Adnan Janzuaj ka asistuar në fitoren tronditëse të Real Sociedadit mbrëmjen e sotme (e enjte) kundër Atletico Madridit.

Gjiganti spanjoll është mposhtur me rezultat 3 me 0 në takimin e zhvilluar si mysafirë kundër skuadrës së trajnerit Imanol Alguacil Barrenetxea në kuadër të xhiros së 33-të në La Liga, shkruan portali arbresh.info.

Futbollisti me prejardhje shqiptare, Adnan Janzuaj ishte asistues i golit të epërsisë nga Real Sociadi që shënoi për 1 me 0 derisa po zhvillohej minuta e 27′ e ndeshjes në stadiumin Javier Alberola Rojas. Ishte Willian Jose lojtari që zhbllokoi rezultatin e ndeshjes pas asistimit të bukur nga reprezentuesi shqiptar i Belgjikës.
Goli i dytë u realizua nga Juanmi, i cili u inkuadrua në fushë në minutën e 72′, që realizoi bukur për 2 me 0 vetëm tetë minuta pas inkuadrimit në lojë.

Sulmuesi 24-vjeçar realizoi edhe golin e tretë në minutën e fundit të kohës shtesë (93′). Spanjolli mposhti me kokë portierin Jan Oblak duke duke i dhuruar fitoren e tretë radhazi skuadrës së tij në La Liga.

Real Sociedadi tani ka 43 pikë, tetë larg nga zona që i siguron kualifikimin në Evropa Ligë, ndërsa Atletico Madridi vazhdon qëndrimin në pozitën e dytë me 71 pikë, 12 larg nga Barcelona në krye të tabelës./arbresh.info/

Shikoni më poshtë tri golat e realizuara këtë ndeshje: